Apostulleve të Zemrës së Shenjtë të Jezusit

T’i kushtohemi Zemrës së Jezusit dhe ta vendosim në familje

T’i kushtohemi Zemrës së Jezusit domethënë t’i dhurohesh Atij, pa kushte, domethënë të braktisesh në dashurinë e Tij.T’i kushtohemi Zemrës së Jezusit domethënë t’i dhurohesh Atij, pa kushte, domethënë të braktisesh në dashurinë e Tij. Të braktisësh të kaluarën, të kthehesh, të jetosh me vërtetësi dashurinë e Hyjit dhe dashurinë vëllazërore. Të kushtohesh domethënë të bësh të njihet dhe të duhet Krishti. Ta vendosësh në shtëpi domethënë ta lësh të mbretërojë si Zoti i së tashmes sonë, së kaluarës dhe së ardhmes.

“Pikërisht kësaj Zemre, shenjë dashurie dhe shpëtimi, i drejtohet shikimi i njerëzve të të gjitha kohërave dhe kulturave, për të marrë nga ky burim shpëtimi, fenë që ndriçon, shpresën që shpëton , dashurinë që i bashkon të gjithë në një familje të vetme dhe e bën me Zemrën e Jezusit Zemër të botës”(DkXIII CG, nr4).

Janë tre takime që bëjmë me familjet për t’iu kushtuar Zemrës së Krishtit dhe për ta vendosur Atë brenda në familje:

• Takimi i parë: Devocioni i Zemrës së Krishtit
• Takimi i dytë: Kushtimi i familjes
• Takimi i tretë: Moment lutjeje në familje për vendosjen e Zemrës së Jezusit (imazhi)
• Quarto incontro:Sui passi di Madre Clelia

Angazhimi i familjes që i kushtohet Zemrës
së Jezusit

• Pjesëmarrja në jetën dhe misionin e Kishës, në Sakramente, duke dëshmuar besimin vetjak
• Leximi i Fjalës së Hyjit dhe meditimi
• Lutja në familje
• Të jetohet shpirti i dashurisë, lavdisë dhe ndreqjes veçanërisht të premten e parë të muajit
• Oferta e përditshme Zemrës së Jezusit dhe falenderimi për shumë të mira që Ai i ka dhuruar
• Përmbushja e veprave të dashurisë ndaj vëllezërve
• Mbrojtja e jetës
• Pjesëmarrja me dinjitet në zhvillimin e shoqërisë.

Dhurimi i ditës Zemrës së Jezusit

O Zemër hyjnore e Jezusit , un po të dhuroj
nëpërmjet Zemrës së Papërlyer të Marisë
Nënës së Kishës
Në bashkim me flinë eukaristike ,
lutjet, veprimet,
gëzimet e vuajtjet e kësaj dite;
në shpërblim të mëkateve,
dhe për shëlbimin e të gjithë njerëzve,
në hirin e Shpirtit të Shenjtë,
në lavdinë e Hyjit Atë
dhe në veçanti,
sipas qëllimeve të Atit Shenjtë.
Amen