Apostulleve të Zemrës së Shenjtë të Jezusit

Simboli i familjes FMZK

ICHTHUS = PESHK

Jezu Krishti, Biri i Hyjit, Shpëtimtar!

Shenja dalluese ka formën e një zemre, simbolizon Zemrën e Jezusit dhe në qëndër është peshku dhe sigla FMZK Peshku është simbol i Eukaristisë. Na kujton të gjitha herët që vetë Jezusi u ushqye me peshk dhe shuajti urinë e turmave.Është simbol i të krishterëve, veçanërisht në kohën e përndjekjeve, aty nga fundi i shek.I deri rreth vitit 313 kur Kostantini e shpalli lirinë e kultit edhe për të krishterët . Fjala PESHK në greqisht është ICHTHUS. Në këto fjalë fshihet shpallja e fesë: JEZU KRISHTI, BIRI I HYJIT, SHPËTIMTAR. Të krishterët e parë përdornin simbole që të mund të njiheshin mes tyre dhe një ndër simbolet e tyre ishte peshku. Në atë kohë të jesh i krishterë ishte kundër ligjit. Për ketë motiv ato duhej ta jetonin fenë e tyre me shumë kujdes. Kur i zbulonin se ishin të krishterë i dënonin me vdekje . Por Jezusi Eukaristi i mbështeste dhe ata fitonin forcën ta shpallnin fenë e tyre në Jezusin.