Apostulleve të Zemrës së Shenjtë të Jezusit

Përparësi

Të riungjillizohet jeta personale dhe e bashkësisë, me qëllim që të jetë gjithnjë e më e shumë e themeluar në Krishtin dhe e formuar nga karizmi i Nënë Kleljes, për të rrezatuar në kultura të ndryshme Dashurinë e Zemrës së Jezusit me fjalë dhe me dëshminë e gëzueshme të jetës, për të qenë “ikonë” e besueshme e bukurisë së Hyjit.

Këshilli i përgjithshëm 2010-2016

Nga e majta: Suor Chiara Cervato, Sr. Alice Reginato, Suor Cornelia Marcazzan, Sr. Lorenzina Perniola, Madre Clare Millea, Suor Marta Dalcin, Suor Mary Grace Giaimo

Madre Mary Clare Millea, Superiorja e përgjithshme, lindur në Derby, Connecticut, USA, në 1947. Hyri në Kongregatë në 1965 në Hamden, Connecticut, bëri Shpalljen e parë në 1967 dhe urdhrat e përjetshëm në 1973. Është e dipllomuar në Pedagogji dhe Psikologji, me studime të avancuara në Shkencat Pedagogjike dhe Psikologji Pedagogjike. Ka vazhduar në Romë, doktoratën në të Drejtë Kanonike pranë Pontificia Università Lateranense, gjithashtu, ka studiuar Teologji Shpirtërore në “Teresianum” dhe ka vazhdar studimet në sektorë të ndryshëm shpirtërorë dhe kishtarë në Roma. Përvoja e saj apostolike është ushtruar si mësuese e hantikapatëve , si drejtoreshë dhe si superiore lokale. U zgjedh këshilltare e përgjithshme në Kapitullin e përgjithshëm të vitit 1986. Nga 1989 deri në 1991 ka kryer detyrën e Mësueses së tërejave. Nga 1992 deri në 1998 qe Vikare e përgjithshme dhe përgjegjëse edhe e sektorit të Formimit. Nga 2001 deri në 2004 ka qenë Superiore Provinciale në Provincën e Shteteve të Bashkuara, duke vazhduar të ishte dhe pjesë e Këshillit të përgjithshëm. Nga korriku i 2004 është Superiore e Përgjithshme e Institutit të Apostulleve të Zemrës ë Shenjtë të Jezusit. Ka marrë pjesë në Sinodin mbi Fjalën e Hyjit që është mbajtur në Romë nga 05 deri më 26 tetor 2008. Ka marrë detyrën e Kongregatës së shenjtë për institutet e jetës së shuguruar dhe shoqëritë e jetës apostolike që t’i bëjë Vizitën Apostolike instituteve të jetës së Shuguruar femërore, në Shtetet e Bashkuara të Amerikës. Në Kapitullin e Përgjithshëm të 2010 u rikonfirmua Superiore e Përgjithshmë për 6-vjeçarin 2010 – 2016.

Lorenzina Perniola, Vikare e përgjithshme, ka lindur në Santeramo in Colle (BA) në 1943. Ka hyrë në Kongregatë në 1960 në Romë. Ka bërë Shpalljen e fesë në vitin 1963 dhe urdhrat e përjetshëm në vitin 1967. është diplomuar në Mësuesi pranë Institutit “Giovanni Poli” të Romës dhe pastaj është diplomuar me titullin Mësuese në Shkencat fetare pranë fakultetit teologjik të Napolit. Ka punuar si mësuese në shkolla të ndryshme të Institutit dhe njëkohësisht ka qenë Koordinatore didaktike e këtyre shkollave. Në 1987 u emërua Këshilltare Provinciale – Provinca e Italisë së Jugut. Në 6-vjeçarin 1990 – 1996 ka qenë edhe Sekretare Provinciale. Në 1996, duke vazhduar të ishte Provinçiale, u emërua Superiore dhe koordinatore didaktike e “Istituto Desimini” në Noicattaro (BA). Në 1999 u zgjodh Superiore Provinciale e Provincës së Italisë së Jugut dhe ka ndenjur në detyrë deri në 2006. Në 2006 me bashkimin e Provincës së Italisë së Jugut me atë të Qendrore, iu besua detyra e Ekonomistes Provinciale - Provinca Jug Qendrore, detyrë që e ka mbajtur deri në 2010. Në kapitullin e Përgjithshëm të 2010 u emërua Vikare e përgjithshme. Si Këshilltare e përgjithshme iu besua detyra që të koordinojë dhe të drejtojë ekipe:- për ristrukturimin e veprave shkollore në Itali, - për të bërë një PROJEKT edukativ të Kongregatës në nivel ndërkombëtarë,- për të studiuar dhe përpiluar një metodë paraqitjeje të përshpirtërisë së Zemrës së Shenjtë të Jezusit nën një pamje moderne, duke menduar edhe për formime te ardhshme të laikëve që na mbështesin ose që na frekuentojnë në veprat e tyre apostolike.

Chiara Cervato, Sekretare e përgjithshme dhe Këshilltare, ka lindur në Chiampo (VI), Itali në 1943. Ka hyrë në Kongregatë në vitin 1964 në Milano, ku ka marrë formimin fillestar. Ka bërë shpalljen e parë në vitin 1966 dhe ka marrë urdhrat e përjetshëm në vitin 1972. Është e diplomuar në Gjuhë dhe Letërsi të Huaja, me një kualifikim në mësimdhënien e gjuhës angleze. Ka marrë diplomën në Shkencat Fetare dhe Formimin e Laikëve për Apostulat. Ka dhënë mësim në shkollë fillore, në shkollë të mesme, në Institutin e Mësimdhënies dhe në shkollë të mesme të profilit shkencor. Në vitin 1998 u zgjodh këshilltare e përgjithshme dhe në vitin 2004 u zgjodh Sekretare dhe Këshilltare e Përgjithshme. Në korrik të 2010 i është rikonfirmuar detyra e dyfishtë. Aktualisht, si Këshilltare e Përgjithshme është përgjegjëse e Baritores rinore dhe asaj të thirrjeve dhe kryen akoma detyrën e sekretares pranë Kard. Giovanni Canestri.

Alice Reginato ka lindur në Avanhadava - San Paolo- Brasil në 1945. Ka hyrë në Kongregatë në vitin 1964, në Curitiba-PR, ka bërë Shpalljen e parë në 1967 dhe atë të përjetshme në vitin 1973. Është e diplomuar në Pedagogji - PUC (Pontificia Università Cattolica del Parana), në Psikologji USC (Università del S. Cuore di Gesù), Specializim në Counseling dhe në Corso di Spiritualità "Teresianum" në Roma. Përvoja e saj apostolike përfshin: Koordinatore katekezash, baritore të famullisë, baritore të thirrjeve, mësuese besimi, Mësuese për aspirantët, postulantët. Superiore lokale , Këshilltare Provinciale, Zëvendës-Provinciale; Provinciale në Provincën e Paranà-së dhe të San Paolo-s; pjesëtare e ekipit qendror të baritores dioqezane; pjesëtare e Këshillit dioqezan për formimin e meshtarëve të ardhshëm dhe mësuese në seminarin dioqezan të Dourados-PR. Në Kapitullin e Përgjithshëm të 2010 u zgjosh Këshilltare e Përgjithshme dhe është përgjegjëse për baritoren rinore dhe atë të thirrjeve, të formimit të vazhdueshëm; bashkëpunon në GFASC.

Marta Dalcin ka lindur në Bento Gonçalves, Rio Grande do Sul, Brasil, në 1946. Ka hyrë në aspirantat në Curitiba, Paraná në vitin 1963. Ka bërë formimin fillestar në Curitba, Paraná; Shpallja e parë në 1967 dhe Shpallja e Përjetshme në 1973. Është e diplomuar në Letërsi, Pedagogji, Corso Montessori, Formim Shpirtëror dhe Njerëzor. Në Romë, në Teresianum, ka ndjekur kursin e Përshpirtërisë. Përvoja e saj apostolike përfshin mësimdhënien në Kopsht; ka qenë Mësuese e të rejave në S. Paulo dhe Sekretare e Përgjithshme në Provincën e Paraná-së. U zgjodh Këshilltare e përgjithshme në 1998 dhe riemëruar në 2004. Në korrik të 2010 është riemëruar sërish. Si Këshilltare e Përgjithshme koordinon GFASC-në, grupet laike të pranishme në Institut, Projektin Fai Felice si mbështetje të misioneve.

Cornelia Marcazzan, Ekonomiste e Përgjithshme dhe Këshilltare. Ka lindur në San Giovanni Ilarione (VI ) në 1947. Ka bërë formimin fillestar në Milano, shpalljen e parë në vitin 1968 dhe shpalljen e përjetshme në 1974. Është e diplomuar në Letërsi dhe pastaj është diplomuar në mësimdhënien e besimit. Ka qenë mësuese në Kopsht, në shkollën Fillore dhe atë 9-vjeçare. Ka punuar për shumë vite në Baritoren e Famullisë. Nga 1990 deri në 2004 ka qenë Ekonomiste Provinciale dhe Këshilltare e Provincës së Italisë Qendrore, Avezzano. Në Kapitullin e Përgjithshëm të vitit 2004 është zgjedhur Ekonomiste dhe Këshilltare e Përgjithshme dhe në Kapitullin e vitit 2010 është riemëruar për detyrën e dyfishtë. Si Këshilltare e Përgjithshme është përgjegjëse për procesin e ristrukturimit.

Mary Grace Giaimo ka lindur në New Haven, Connecticut, USA, në 1954, ka hyrë në Kongregatë në Hamden, Connecticut, në 1980. Ka bërë shpalljen e parë në vitin 1983 dhe shpalljen e përjetshme në vitin1988. Ka marrë diplomën në Pedagogji Muzike dhe Master në Muzikë dhe Liturgji dhe diplomën në Përshpirtëri pranë l'Angelicum në Roma. Në Shtetet e Bashkuara ka qenë mësuese në Shkollën Fillore dhe 9-vjeçare. Nga viti 2001 në 2004, ka qenë Sekretare provinciale në Provincën e Shteteve të Bashkuara. Në Kapitullin e përgjithshëm të vitit 2004 u zgjodh Këshilltare e përgjithshme dhe në Kapitullin e vitit 2010 u riemërua. Si Këshilltare në këtë mandat të dytë, koordinon sektorin e komunikimeve shoqërore dhe do të koordinojë rishikimin e Kushtetutave. Ndjek Çështjen e Kanonizimit të Shërbëtores së Hyjit Nënë Klelja Merlonit dhe është përgjegjëse për formimin fillestar dhe të vazhdueshëm; ka qenë mësuese e të rejave (2007-2009).