Apostulleve të Zemrës së Shenjtë të Jezusit

Përshpirtëria e Nënë Klelia Merlonit, Themeluese e Apostulleve të Zemrës së Shenjtë të Jezusit e ka origjinën e saj nga vetë Zemra e Kishës që është e shporuar mbi Kryq për shpëtimin e botës. “Ne Apostullet nuk duhet të kemi qëllim tjetër përveçse Lavdinë e Zemrës së Jezusit”, u shkruan Nëna Bijave të saja. Duke dëshmuar një jetë me dashuri përpiqet të përhapë në zemrat e atyre që afron Dashuria e Krishtit e zbuluar nga Zemra e Tij. Është e thirrur të bëhet:

• Apostulle si Apostujt, duke ndjekur gjurmët e Krishtit dhe duke e bërë të njihet dhe të duhet;

• Apostulle të Dashurisë, duke jetuar në bashkim me Krishtin sipas Ungjillit dhe duke i dhuruar vetveten vëllezërve, në dashuri, sipas shembullit të Krishtit;

• Apostulle Ndreqëse, duke u angazhuar të rimëkëmbë Mbretërinë e Hyjit në botë nëpërmjet jetës së lutjes, misionit të saj të dashurisë dhe ofrimit të vetvetes.

Apostullet e Zemrës së Shenjtë të Jezusit shpallin Kushtet Ungjillore të pastërtisë, varfërisë dhe bindjes. Në shugurim, në karizëm dhe në shërbim, Apostullet gjejnë forcë në Eukaristi, në lutjen liturgjike, të përbashkët dhe personale, në ballafaqimin e Fjalës së Hyjit, në kthimin e sinçertë vetjak dhe në jetën e bashkësisë, nën mbrojtjen e Virgjërës Mari. Stema e Institutit tregon dhe bashkon në moton paoline “Caritas Christ urget nos!” (Dashuria e Krishtit na shtyn”!) (2 Kor.5,14) karizmën dhe misionin e Apostulles: duke soditur Zemrën e Krishtit ajo tërheq dashuri për vete në burimet e dashurisë së tij dhe kështu është e gatshme t’a dëshmojë kudo me fjalë dhe me jetë.