Apostulleve të Zemrës së Shenjtë të Jezusit

FMZK FAMILJA E MADHE
E ZEMRËS SË KRISHTIT

Ecje shpirtërore mbi hapat e Nënë Klelies

Disa vite më parë Apostullet e Zemrës së Shenjtë të Jezusit, i kanë dhënë jetë një itinerari shpirtëror me laikët, në veçanti me familjet e tyre.

Iniciativa për të bashkëndarë me shumë vëllezër përshpirtërinë e Institutit dhe karizmen e themelueses Klelia Merloni, ka qenë objekt i një reflektimi të kujdesshëm nga Kapitull i XV i Përgjithshëm i vetë Apostulleve (Korrik 2004) i cili ka rakomanduar që të jetë “ i ndezur dhe i çuar përpara me zell apostolik dhe besnikëri krijuese ecja e FMZK dhe e grupeve të tjera që janë të frymëzuar nga përshpirtëria kleliane” Nënë Klelia e ka mishëruar dashurinë e Zemrës së Jezusit dhe e ka tranzmetuar karizmen e saj nëpërmjet Institutit.Bijave të veta ju ka lënë detyrën që ta çojnë në të gjitha kombet mesazhin e shpëtimit. Sot ia beson këtë karizmë, të marrë nga Shpirti i Shenjtë, edhe laikëve, pra FMZK – Miq të Nënë Klelies dhe të gjithë atyre që dëshirojnë ta jetojnë që të bëhen apostuj si Apostujt, apostuj të dashurisë dhe apostuj të riparimit. Familja e madhe e Zemrës së Krishtit “FMZK” është një mision për familjen, me detyrën themelore t’ia kushtojë familjen Zemrës së Krishtit dhe të jetojë me angazhim jetën e krishterë. T’i përkasësh Familjes së madhe të Zemrës së Krishtit “FMZK” domethënë të jetosh një program jete që e përfshin të gjithë qenien tonë. Është një fizionomi e veçantë që të shtyn për të dëshmuar dashurinë e Zemrës së Shenjtë të Jezusit në çfarëdo ambienti të shoqërisë. Zemra e Jezusit është një dhuratë e Hyjit Kishës së tij dhe njerëzimit. Të gjithë ne mund të bashkëpunojmë derisa kjo dhuratë të bëhet realitet i zemrës së çdo personi në mënyrë që në çdo familje dhe në shoqëri të vendoset Mbretëria e Jezusit, që është Mbretëri Dashurie, Mbretëri e së Vërtetës, Mbretëri Hiri dhe Paqeje: qytetërim dashurie.

Zemra e Jezusit, burim jete

Objektivi i FMZK është të sjellë çdo përson tek burimi i jetës, të rindërtojë shoqërinë dhe familjen përmes lutjes, përmes shërbimit vëllazëror me fe dhe dashuri, duke qenë dëshmitarë të butësisë, i mirësisë dhe i mëshirës së Zemrës në takim me Zemrën e Shenjtë të Jezusit fitohet forca për të kultivuar jetën shpirtërore dhe misionin në botë.

Duke jetuar në një bashkim zemre me Mësuesin zbulohet dashuria e pafundme e Atit dhe vetëm kështu mund të jemi adhurues të vërtetë në shpirt dhe në të vërtetë.Duhet të hyjmë në shkollën e tij dhe ta organizojmë jetën tonë sipas Ungjillit me misionin t’iu tregojmë vëllezërve Jezusin, duke parë tek të gjithë fytyrën e shenjtë të Jezusit.