Apostulleve të Zemrës së Shenjtë të Jezusit

Kanë kaluar 18 muaj nga tërmeti shkatërrues i 12 janarit 2010, i cili tërhoqi vëmendjen e gjithë botës. Akoma sot, një milion njerëz jetojnë nën tendat e emergjencës, të kërcënuar vazhdimisht nga kolera, nga tuberkulozi dhe nga uria: fatkeqësi që mbjellin çdo ditë vdekje, sidomos për fëmijët dhe të moshuarit. Vetëm një fe dhe një shpresë e patundur në premtimet e Zotit dhe në bujarinë e të tjerëve mund ta shpëtojë nga dëshpërimi popullin e Haitit.

Gjatë muajit qershor, Nënë Chiara Millea, Eprore e Përgjithshme, së bashku me motër Mirim Cunha Sobrinha, Eprore Provinciale nw San Paolo- dhe motër Maureen Martin, Eprore Provinciale nw Shtetet të Bashkuara, kanë bërë një vizitë për gjashtë ditë në Port-au-Prince, të Haitit.

Prej dy muajve, dy Apostulle infermiere nga Provincia e San Paolo-s, motër Matilde Ranzan dhe motër Maria Emilia Bueno, jetojnë aty, duke ndihmuar fretërit Françeskan të Provanisë Hyjnore, një institut braziljan me të cilin bashkëpunojmë tashmë në dhjetë vepra shërbimi shëndetësor në Brazil. Së bashku, Françeskanët dhe Apostullet po bëjnë hapat e parë për të hapur një klinikë të lëvizshme, që do të ofrojë asistencë shëndetësore në zonat e largëta dhe malore të vendit.

Në këtë realitet soditet fytyra e Jezusit të vuajtur në fytyrat e njerëzve të pafajshëm të provuar ashpërsisht. Ngelet bindja se Zemra e Jezusit don që edhe Apostullet të dërgojnë përkëdheljen e Zemrës së tij Hyjnore në atë tokë. Të lutemi për popullin e Haitit dhe për motrat tona misionare.

Lajme nga Haiti permes ate Franceskut